டெலிகிராம் செயலியில் ஷா ஆலம் போலீஸ் தலைமையகம் தொடர்பான உள் தகவல்களைப் பரப்பியதற்காக நகைச்சுவை நடிகரும் முன்னாள் வானொலி தொகுப்பாளரும் அவரது மனைவியும் விசாரணையில் உதவுவதற்காக கைது செய்யப்பட்டுள்ளனர். உத்துசான மலேசியா அறிக்கையின் படி, பிரிவு 9 ஷா ஆலமில் உள்ள காவல் நிலையத்தில் 38 வயது ஆணும் அவரது 37 வயது மனைவியும் கைது செய்யப்பட்டனர்.

இருவரும் நேற்று கைது செய்யப்பட்டனர் என்று ஒரு ஆதாரத்தை மேற்கோள் காட்டி நாளிதழ் கூறியது. ரிமாண்ட் உத்தரவைப் பெறுவதற்காக ஷா ஆலம் நீதிமன்றத்திற்குக் கொண்டு வருவதற்கு முன்பு, தம்பதியரின் மொபைல் போன்களை போலீசார் கைப்பற்றியதாகவும் ஆதாரம் கூறியது. புக்கிட் அமான் லாஜிஸ்டிக்ஸ் மற்றும் டெக்னாலஜி துறை இயக்குனர் சஹாபுதீன் அப்துல் மானான் ஷா ஆலம் போலீஸ் தலைமையகத்திற்கு சென்றது குறித்த செய்தி கடந்த சில நாட்களாக வைரலாக பரவி வருகிறது.

சிலாங்கூர் காவல்துறைத் தலைவர் ஹுசைன் ஒமர் கான், தம்பதியினர் கைது செய்யப்பட்டதை உறுதிசெய்து அவர்கள் இரண்டு நாட்கள் காவலில் வைக்கப்பட்டுள்ளனர் என்று கூறினார். தூண்டுதலுக்காக தண்டனைச் சட்டத்தின் பிரிவு 504, நெட்வொர்க் வசதிகளை தவறாகப் பயன்படுத்தியதற்காக மல்டிமீடியா மற்றும் கம்யூனிகேஷன்ஸ் சட்டம் 1998 இன் பிரிவு 233, மற்றும் அவமதிப்பு நடத்தைக்கான சிறு குற்றச் சட்டத்தின் பிரிவு 14 ஆகியவற்றின் கீழ் வழக்கு விசாரிக்கப்படும் என்றும் அவர் கூறினார்.