சென்னை: நடிகை ஏமி ஜாக்சன் தமிழ், ஹிந்தி உள்ளிட்ட மொழிகளில் ஃபேமஸான நடிகையாக வலம் வந்துகொண்டிருந்தவர். கடைசியாக அவர் தமிழில் மிஷன் – சாப்டர் 1 படத்தில் நடித்தார். அதில் அருண் விஜய் ஹீரோவாக நடித்திருந்தார். இவருக்கு சில வருடங்களுக்கு முன்னர் ஒரு திருமணம் நடந்தது. ஆனால் அந்தத் திருமண உறவு பாதியில் முடிந்ததை அடுத்து இரண்டாவதாக ஒருவரை காதலித்தார். தற்போது அவர்களுக்கு சிம்ப்பிளாக திருமணம் நடந்து முடிந்திருக்கிறது. அதனையொட்டி பலரும் அவருக்கு வாழ்த்து தெரிவித்துவருகிறார்கள்.
பிரிட்டிஷில் இருக்கும் Isle of Man என்ற நகரத்தில் பிறந்தவர் ஏமி ஜாக்சன். கடந்த 1992ஆம் ஆண்டு பிறந்த அவருக்கு மாடலிங் மேல் ஆர்வம் ஏற்பட்டதை அடுத்து தனது கவனத்தை அதில் முழுக்க முழுக்க செலுத்தினார். அதன் பலனாக தனது 17ஆவது வயதில் மிஸ் இங்கிலாந்து போட்டியில் பங்கேற்றார். அந்தப் போட்டியில் அவர் இரண்டாவது இடம் பெற்றார். இதனால் அவர் மீது ஊடகங்களின் வெளிச்சம் பட்டது. சூழல் இப்படி இருக்க அவருக்கு திரைப்படங்களில் நடிக்கும் வாய்ப்பும் கிடைத்தது.
நடந்து முடிந்த திருமணம்: சூழல் இப்படி இருக்க அவர்களது திருமணம் எப்போது நடக்கும் என்ற எதிர்பார்ப்பு ரசிகர்களிடையே இருந்தது. இந்நிலையில் ஏமி ஜாக்சன் – எட் வெஸ்ட்விக் திருமணம் இத்தாலியில் இருக்கும் காஸெல்லோ டி ரோக்கோ நகரில் நடைபெற்றிருக்கிறது. இதுதொடர்பான அறிவிப்பை எட் வெஸ்ட்விக் தனது இன்ஸ்டாகிராம் பக்கத்தில் புகைப்படங்களுடன் வெளியிட்டிருக்கிறார். திருமணத்தில் ஏமி ஜாக்சன் வெள்ளை நிற கவுனிலும், வெஸ்ட்விக் வெள்ளை நிற கோட்டும் அணிந்திருந்தனர். அந்த்ப் புகைப்படங்கள் இப்போது சமூக வலைதளங்களில் ட்ரெண்டாகியுள்ளன.
