கோலபிலா: சனிக்கிழமை (அக். 5) கம்போங் செனாலிங்கில் உள்ள தங்கள் வீட்டில் தந்தையைக் கொன்றதாகக் கூறப்படும் மனநலம் குன்றியவர், பெக்கான் செனாலிங்கில் உள்ள ஒரு கடையில் மடிப்புக் கத்தியை வாங்க முயன்ற போது திடீரென சாலையோரத்தில் சரிந்து விழுந்தார். 40 வயதான Lee Kien Huei, காவல்துறையினரிடம் இருந்து தான் இந்த சம்பவம் பற்றி அறிந்ததாகவும், சந்தேக நபர் தனது கடைக்கு வந்ததாகவும் கூறினார். எனது கடையிலிருந்து வெகு தொலைவில் அவரைக் கண்டதும், நான் உடனடியாக காவல்துறையை அழைத்தேன். சந்தேக நபர் கத்தியை வாங்குவதற்காக என் கடைக்குள் நுழைந்தார்.

அப்போது அவர் வித்தியாசமாக இருப்பதை நான் பார்த்தேன். மேலும் அவரது வாயிலும் ரத்தம் கொட்டியது என்று அவர் ஞாயிற்றுக்கிழமை (அக் 6) சினார் ஹரியனிடம் கூறினார். அப்போது சந்தேக நபர் அருகில் உள்ள கடைக்கு சென்று கத்தியை வாங்குவதை பார்த்ததாகவும், ஆனால் திடீரென சாலையோரம் சரிந்து விழுந்ததாகவும் அவர் கூறினார்.

அதேநேரம் போலீசார் சம்பவ இடத்திற்கு வந்ததாகவும் அவர் மேலும் தெரிவித்தார். அங்கு பரிசோதித்ததில் அவர் இறந்து கிடந்ததையும், வாயில் நுரை தள்ளியதையும் கண்டறிந்தனர். இதற்கிடையில் லீ, சந்தேக நபரை உயிரிழ்ந்தவரின்  மகன் என்றும், அவர் ஓய்வு பெற்ற ஆசிரியர் என்றும் தனக்குத் தெரியும் என்றும், சந்தேக நபர் மனநலம் பாதிக்கப்பட்டவர் என்றும் லீ கூறினார். ஆனால் அவர் யாரையும் தொந்தரவு செய்ய மாட்டார். அவரும் எப்போதாவது ஒருமுறை என் கடைக்கு வருவார். இறந்தவருடன் நான் மிகவும் நட்பாக பழகுவேன். ஏனென்றால் அவர் எப்போதும் எனது கடைக்கு வருவார்.  நடந்தது சம்பவம் குறித்து கேள்விப்பட்டது எங்களை அதிர்ச்சிக்குள்ளாகியது என்று அவர் கூறினார்.

முன்னதாக, ஓய்வுபெற்ற ஆசிரியரான முதியவர் ஒருவர், மாற்றுத்திறனாளி அட்டைதாரரான அவரது மகன் கத்தியால் குத்தியதில் உயிரிழந்ததாக ஊடகங்கள் செய்தி வெளியிட்டன. மாலை 4.30 மணியளவில், உயிரிழந்தவர் தனது மகன் தனக்கு மாயத்தோற்றம் இருப்பதாக நம்பியதை  ஆறுதல்படுத்த முயன்றபோது இந்தக் கொலை நடந்ததாகக் கூறப்படுகிறது. ஆனால் மகன் ஆக்ரோஷமாக நடந்துகொண்டு அதற்கு பதிலாக அவரைக் குத்தினான்.