மலேசிய கோடீஸ்வரரான ஆனந்த கிருஷ்ணன் தனது 86வது வயதில் இன்று காலமானார். ஆனந்தா தலைமையிலான முதலீட்டு நிறுவனமான Usaha Tegas Sdn Bhd இன்று அவரது இறப்பை உறுதிப்படுத்தியது.

நவம்பர் 28 அன்று அமைதியாக காலமான எங்கள் தலைவர் டி ஆனந்த கிருஷ்ணனின் மறைவை நாங்கள் மிகுந்த வருத்தத்துடன் அறிவிக்கிறோம். அவர் தேசத்தைக் கட்டியெழுப்புவதற்கும் கார்ப்பரேட் உலகிற்கும் குறிப்பிடத்தக்க பங்களிப்பைச் செய்துள்ளார். மேலும் அவரது பரோபகார முயற்சிகள் பல உயிர்களைத் தொட்டுள்ளன. தனிப்பட்ட முறையில் துக்கம் அனுஷ்டிக்கும் குடும்பத்தினரின் விருப்பத்திற்கு மதிப்பளிக்குமாறு தாழ்மையுடன் கேட்டுக்கொள்கிறோம் என்று அது ஒரு அறிக்கையில் தெரிவித்துள்ளது.

ஏப்ரலில், ஹோட்டல் மற்றும் ரியல் எஸ்டேட் அதிபர் ராபர்ட் குவோக் மற்றும் ஹாங் லியோங்கின் க்யூக் லெங் சான் ஆகியோருக்குப் பிறகு, 5.1 பில்லியன் அமெரிக்க டாலர் நிகர மதிப்புடன் மலேசியாவின் மூன்றாவது பணக்காரர் என்று ஃபோர்ப்ஸ் பட்டியலிட்டது.

ஹார்வர்ட் பிசினஸ் ஸ்கூல் முன்னாள் மாணவரான ஆனந்தா மலேசியாவின் இரண்டாவது பெரிய மொபைல் ஆபரேட்டரான Maxis Bhd ஐ நிறுவினார், அத்துடன் ஒளிபரப்பு மற்றும் ஊடக நிறுவனமான Astro Malaysia Holdings Bhdயை அவர் நிறுவினார். Bumi Armada Bhd through Objektif Bersatu Sdn Bhdஇல் கணிசமான பங்குகளை அவர் வைத்திருந்தார்.