கோலாலம்பூர்: மைமிண்டா மனநல பரிசோதனைகளுக்கு பதிலளித்தவர்களில் சுமார் 39.5% பேர் மனநலப் பிரச்சினையை அனுபவிக்கும் அபாயத்தில் உள்ளனர் என்று டத்தோஸ்ரீ டாக்டர்  ஸூல்கிஃப்ளி அமாட் கூறுகிறார். அக்டோபர் 10, 2023 அன்று தொடங்கப்பட்டதிலிருந்து ஜனவரி 23 வரை மைமிண்டா தளம் வழியாக 223,773 சுய மதிப்பீடுகள் நடத்தப்பட்டதாக சுகாதார அமைச்சர் தெரிவித்தார்.

முன்பை விட உதவி, உணர்ச்சிபூர்வமான ஆதரவு உளவியல் ஆலோசனைகளை நாடுபவர்களின் எண்ணிக்கை அதிகரித்து வருவதை அவர் குறிப்பிட்டார். மனநல ஆதரவைப் பெற மலேசியர்களிடையே விழிப்புணர்வு அதிகரித்து வருவதை இது குறிக்கிறது என்று அவர் புதன்கிழமை (பிப்ரவரி 26) எழுத்துப்பூர்வ பதிலில் கூறினார்.

15555 ஹெல்ப்லைன், பொது விடுமுறை நாட்கள் உட்பட, தினமும் காலை 8 மணி முதல் நள்ளிரவு வரை சுகாதார அமைச்சக ஆலோசனை அதிகாரிகளால் இயக்கப்படுகிறது. மைசெஜாத்ரா செயலியில் உள்ள மைமிண்டா தளம் டிஜிட்டல் மனநல பரிசோதனை, ஆரம்பகால ஆலோசனை சேவைகளை வழங்குகிறது என்று ஸூல்கிஃப்ளி மேலும் கூறினார். மனநலக் கல்வி மற்றும் சுய-பராமரிப்பு ஆகியவற்றை உள்ளடக்கிய டிஜிட்டல் மனநல சேவைகளுக்கான பொது அணுகலை வழங்குகிறது என்று அவர் கூறினார். மன அழுத்தத்தால் பாதிக்கப்பட்டவர்களைக் கண்டறிந்து உதவுவதில் MyMinda-வின் செயல்திறன் குறித்து கேட்ட யங் சைஃபுரா ஓத்மானுக்கு (PH-Bentong) அமைச்சர் பதிலளித்தார்.