வான் பெருவழிச்சாலையில் பயணித்துக் கொண்டிருந்தபோது, 44 வயது பெண் ஒருவர் தள்ளிவிடப்பட்டு உயிரிழந்த சம்பவத்தில், அவரது 50 வயது கணவரை போலீசார் கைது செய்தனர். நேற்று மாலை 6 மணியளவில் புச்சோங், Taman Kinrara-வில் உள்ள வீட்டில் வைத்து ஏர்-கண்டிஷனர் டெலிவரி செய்யும் தொழிலாளியான அந்த நபர் கைது செய்யப்பட்டதாக செராஸ் போலீஸ் உதவி ஆணையர் எய்டில் போல்ஹாசன் தெரிவித்தார்.போலீஸ் விசாரணையில், 20 வருடங்களாகத் திருமணமான இந்த தம்பதியினர் வான் வண்டியில் சென்று கொண்டிருந்தபோது கடுமையான வாக்குவாதத்தில் ஈடுபட்டது தெரியவந்துள்ளது.

"முதற்கட்ட விசாரணையில், சந்தேக நபர் இந்த சம்பவத்தில் ஈடுபட்டதை ஒப்புக்கொண்டார். வீட்டிற்குச் செல்லும் வழியில் மனைவியுடன் வாக்குவாதம் ஏற்பட்டதாக அவர் விசாரணை அதிகாரிகளிடம் கூறினார்," என்று எய்டில் தெரிவித்தார்.இந்த தம்பதியருக்கு இரண்டு குழந்தைகள் உள்ளனர். சம்பவ இடத்தில் மருத்துவக் குழுவினர் அப்பெண் இறந்துவிட்டதாக அறிவித்தனர். சாட்சிகள் அப்பெண் வான் ஒன்றிலிருந்து தள்ளிவிடப்பட்டதைப் பார்த்துள்ளனர்.பேராக், எங்கோர், Kampung Kapor-ஐச் சேர்ந்த சந்தேக நபருக்கு முன்பு இரண்டு முறை போதைப்பொருள் தொடர்பான குற்றப் பதிவுகள் உட்பட, குற்றப் பின்னணி இருப்பதாக எய்டில் கூறினார். கைதுக்குப் பிறகு நடத்தப்பட்ட சிறுநீர் பரிசோதனையில் அவர் போதைப்பொருள் பயன்படுத்தியது உறுதி செய்யப்பட்டுள்ளது என்றும் அவர் தெரிவித்தார்.