இந்தியா அணியின் கேப்டன் ரோஹித் ஷர்மா, எதிர்வரும் இங்கிலாந்து சுற்றுப்பயணத்திற்கு முன் டெஸ்ட் கிரிக்கெட்டிலிருந்து ஓய்வு பெறுவதாக அறிவித்துள்ளார். 67 டெஸ்ட் போட்டிகளில் 4,301 ரன்கள் குவித்துள்ள இவர், 12 சதங்களுடன் 212 ரன்கள் அதிகபட்சமாக எடுத்துள்ளார். 24 டெஸ்ட் போட்டிகளில் கேப்டனாக செயல்பட்ட அவர், 12 வெற்றி, 9 தோல்வி, 3 டிரா பெற்றுள்ளார். ஒருநாள் போட்டிகளில் தொடர்ந்தும் விளையாடுவார் எனத் தெரிவித்தார். இந்திய கிரிக்கெட் வாரியம், புதிய டெஸ்ட் கேப்டனை விரைவில் அறிவிக்கவுள்ளதாக கூறியுள்ளது.
