மே 12, திங்கட்கிழமை நடைபெறும் வெசாக் தினம்Float ஊர்வலத்தில், சுமார் 25,000 பக்தர்கள் பங்கேற்க இருப்பதாக இணைந்த வெசாக் விழா குழு தலைவர் ங் யோங் பாஉ் தெரிவித்தார். பிரிக்‌ஃபீல்ட்ஸில் உள்ள புத்த மத மகா விஹாராவில் மாலை 6 மணிக்கு ஆரம்பமாகும் இந்த ஊர்வலம், 30-க்கும் மேற்பட்ட அலங்கரிக்கப்பட்ட வாகனங்களுடன், நகரின் முக்கிய வீதிகள் வழியாக 12 கி.மீ தொலைவில் நான்கு மணி நேரம் நடைபெறும்.

இந்த ஆண்டின் தீம்: "உண்மையான கருணையும் ஞானமும் வளர்த்து, உண்மையான அமைதி மற்றும் ஒற்றுமையை உருவாக்குவோம்".
ஊர்வலத்துடன், ரத்ததானம் முகாம், இலவச உணவுப் பகிர்வு உள்ளிட்ட சமூக சேவைகளும் ஏற்பாடு செய்யப்பட்டுள்ளன.

மலேசிய புத்தமத தலைவர் டத்தோ டாக்டர் கு.ஸ்ரீ தம்மரதனா, நவீன சமுதாயம் ஆன்மிக, குடும்ப அடிப்படைகளில் இருந்து விலகுவதைப் பற்றி கவலை தெரிவித்தார். பெற்றோர் தங்களுடைய பிள்ளைகளுக்கு அடிப்படை ஆன்மிகத்தை வழங்க வேண்டும் என அவர் கேட்டுக்கொண்டார்.

வெசாக் தினம் என்பது புத்தரின் பிறப்பு, அறிவொளி பெற்றது மற்றும் பரிநிர்வாணத்தை நினைவுகூரும் புனித நாள் ஆகும்.