செகாமட்டில் உள்ள ஒரு நசி கண்டார் உணவகத்துக்கு நாயை அழைத்துச் சென்ற நபரை போலீசார் தேடி வருகின்றனர். வைரல் வீடியோவில், 20-வயதுக்குள் தோன்றும் அந்த நபர் நாயை நாற்காலியில் வைத்துக்கொண்டு பானம் பருகும் காட்சி பதிவாகியுள்ளது. உணவக ஊழியர் அளித்த புகாரின் பேரில், போலீசார் விசாரணை மேற்கொண்டுள்ளனர். சம்பவம் கடந்த ஞாயிறு மதியம் 12 மணியளவில் நடந்ததாக தெரியவந்தது.

புகார் பெற்ற பின்னர், நாயைப் பயன்படுத்திய நாற்காலி தூக்கி எறியப்பட்டதாக உணவக நிர்வாகம் தெரிவித்துள்ளது. இந்த விவகாரம் 1970-ஆம் ஆண்டு உள்ளாட்சி சட்டத்தின் கீழ் நகராட்சி கவுன்சிலும் போலீசுடன் இணைந்து விசாரணை நடத்தி வருகிறது. சம்பந்தப்பட்ட நபரைப் பற்றி தகவல் உள்ளவர்கள் அருகிலுள்ள போலீஸ் நிலையத்தை தொடர்புகொள்ளுமாறு கேட்டுக்கொள்ளப்பட்டுள்ளனர்.