கோலாலம்பூர்: கடந்த வாரம் அம்பாங் மாஜிஸ்திரேட் நீதிமன்றத்தில் ஒரு மலேசியர், மூன்று சிங்கப்பூரர்கள் மீது திரவ கோகோயின் கடத்தியதாக இன்று குற்றம் சாட்டப்பட்டது. நீதிபதி அமலினா பாசிரா டாப் முன் குற்றச்சாட்டு வாசிக்கப்பட்டபோது மலேசியரான காங் சியென் மீ, 57, மூன்று சிங்கப்பூரர்களான குவெக் கியென் செங் 45; டிரிஸ்டன் சியூ 25; இவான் டான் 31 ஆகியோர் தலையசைத்தனர். இருப்பினும், வழக்கு உயர் நீதிமன்றத்தின் அதிகார வரம்பிற்குள் வருவதால் எந்த மனுவும் பதிவு செய்யப்படவில்லை.

ஜூன் 19 அன்று காலை 11.45 மணிக்கு  ஒரு ஹோட்டலில் இருந்து வெளியேறும்போது 9,420.2 மில்லி கோகோயின் கடத்தியதாக ஆபத்தான போதைப்பொருள் சட்டம் 1952 இன் பிரிவு 39B(1)(a) இன் கீழ் நான்கு பேர் மீதும் கூட்டாக குற்றம் சாட்டப்பட்டது. அவர்கள் மரண தண்டனை அல்லது ஆயுள் தண்டனையை எதிர்கொள்கின்றனர். மேலும் மரண தண்டனை விதிக்கப்படாவிட்டால், குறைந்தபட்சம் 12 பிரம்படிகள் விதிக்கப்படும்.

மருந்துவ அறிக்கையை சமர்ப்பிக்க செப்டம்பர் 8 ஆம் தேதி நீதிமன்றம் நிர்ணயித்தது. துணை அரசு வழக்கறிஞர் எம். ராமநாதன் அலியாஸ் அஷ்வின் வழக்கு தொடர்ந்தார். மூன்று சிங்கப்பூரர்கள் சார்பாக வழக்கறிஞர் இல்லே மரியம் யுஸ்னாவன்னி ஆஜரானார். காங் சார்பில் யாரும் ஆஜராகவில்லை.