மோசடி குற்றச்செயல்களைத் தடுக்க உருவாக்கப்பட்ட தேசிய மோசடி பதில் மையம் (NSRC) விரைவில் மேலும் பலப்படுத்தப்படும். இதில், உள்நாட்டு வர்த்தகம் மற்றும் வாழ்வைச் செலவுருக்கும் அமைச்சகம் (KPDN) மற்றும் மலேசிய பங்குச் சங்கம் (SC) புதியதாக இணைக்கப்பட உள்ளன.

உள்துறை அமைச்சர் டத்தோ ஸ்ரீ சைபுதீன் நசூஷியான் தெரிவித்ததாவது, தற்போது தினமும் 500க்கும் மேற்பட்ட அழைப்புகளை NSRC பெறுகிறது. இதன் செயல்திறனை மேம்படுத்தும் வகையில், இந்த இரு புதிய நிறுவனங்களின் நிபுணத்துவமும் சேர்க்கப்படுகிறது.

மையம் தற்போது பாங்கு நேகரா தலைமையிலுள்ள இடத்தில் இயங்கிக்கொண்டு இருப்பதாகவும், விரைவில் சைபர்ஜாயாவில் உள்ள மலேசிய தகவல் மற்றும் மல்டிமீடியா ஆணையத்தின் அலுவலகத்திற்கு மாற்றப்படும் என்றும் கூறினார்.

மையத்தில் தற்போது போலீசார், பாங்கு நேகரா, தகவல் தொழில்நுட்ப அதிகாரிகள் மற்றும் வங்கிப் பணியாளர்கள் பணியாற்றி வருகின்றனர். தற்போது புதிய 139 பணியிடங்கள் உருவாக்கப்பட்டு, தற்காலிகமாக வர்த்தகக் குற்றப் பிரிவிலிருந்து 40 பேர் பணியமர்த்தப்பட்டுள்ளனர்.

மையத்தின் முழுமையான செயல்பாடு போலீசாரின் தலைமையிலேயே தொடரும் என்றும், மற்ற நிறுவனங்களின் பங்கு நிலையாக இருக்கும் என்றும் சைபுதீன் தெரிவித்தார்.