ஷா ஆலம்:

பெர்சியாரன் தெங்கு அம்புவான், பிரிவு 22 இல் புரோத்தோன் சாகா கார் விபத்துக்குள்ளானதில் தந்தை மரணம், தாய் மற்றும் மூன்று பிள்ளைகள் படுகாயமடைந்துள்ளனர்.

இந்த சம்பவத்தில் 39 வயதான தந்தை தனது 38 வயது மனைவி மற்றும் ஏழு, நான்கு மற்றும் எட்டு மாத வயதுடைய மூன்று குழந்தைகளுடன் காரில் சென்றதாக, ஷா ஆலம் மாவட்ட காவல்துறைத் தலைவர், துணை ஆணையர் முகமட் இக்பால் இப்ராஹிம் தெரிவித்தார்.

ஷா ஆலமில் இருந்து கிள்ளானில் உள்ள தங்கள் வீட்டிற்கு அக்குடும்பத்தினர் சென்று கொண்டிருந்தபோது விபத்து ஏற்பட்டது.

“விபத்து நடந்த இடத்தை அடைந்ததும், கார் ஓட்டுநரின் கட்டுப்பாட்டை இழந்து வலதுபுறத்தில் உள்ள சாலை பிரிப்பானில் மோதியதாக நம்பப்படுகிறது. இதனால் “தலை மற்றும் உடலில் பலத்த காயங்கள் ஏற்பட்டதால் ஓட்டுநர் (தந்தை) சம்பவ இடத்திலேயே இறந்துவிட்டதாக அறிவிக்கப்பட்டது.

“காயமடைந்த அனைத்து பயணிகளும் சிகிச்சைக்காக கிள்ளான், ஷா ஆலம் மருத்துவமனை மற்றும் தெங்கு அம்புவான் ரஹிமா மருத்துவமனைக்கு கொண்டு செல்லப்பட்டனர், மேலும் அவர்கள் தற்போது சிவப்பு மண்டலத்தில் உள்ளனர்” என்று அவர் நேற்று வெளியிட்டுள்ள ஒரு அறிக்கையில் தெரிவித்தார்.

மேலும், இந்த வழக்கு 1987 ஆம் ஆண்டு சாலைப் போக்குவரத்துச் சட்டத்தின் பிரிவு 41(1) இன் கீழ் விசாரிக்கப்பட்டு வருவதாகவும் அவர் கூறினார்.

“தகவல் தெரிந்தவர்கள், ஷா ஆலம் மாவட்ட காவல் தலைமையக போக்குவரத்து புலனாய்வு மற்றும் அமலாக்கப் பிரிவு ஆய்வாளர் முஹம்மது நஜிப் அப்துல் ரஹ்மானை 019-7757354 என்ற எண்ணில் தொடர்பு கொண்டு விசாரணைக்கு உதவுமாறு கேட்டுக் கொள்ளப்படுகிறார்கள்,” என்று அவர் கூறினார்.