சபா மாநிலத்தின் பியூஃபோர்ட் மாவட்டத்தில் இன்று காலை 9 மணி முதல் அதிகாரப்பூர்வமாக 'வெள்ளப் பேரிடர்' பிரகடனப்படுத்தப்பட்டுள்ளது. கடந்த சில நாட்களாகத் பெய்து வரும் கனமழையால் அப்பகுதியில் நீர்மட்டம் அபாயக் கட்டத்தைத் தாண்டியதைத் தொடர்ந்து, மாவட்ட இடர் மேலாண்மைக் குழு இந்த முடிவை எடுத்துள்ளது.

சிபிடாங் (Sipitang) போன்ற மற்ற பகுதிகளிலும் வெள்ளத்தின் தாக்கம் அதிகரித்துள்ளதால், சுமார் 195 பேர் ஏற்கனவே தற்காலிக நிவாரண மையங்களுக்கு மாற்றப்பட்டுள்ளனர். மீட்புப் பணிகள் மற்றும் அவசர உதவிகளை வழங்குவதற்காகப் பல்வேறு அரசு நிறுவனங்கள் களமிறக்கப்பட்டுள்ளன.

வானிலை ஆய்வு மையத்தின் எச்சரிக்கைப்படி, மாநிலத்தின் சில பகுதிகளில் மழையின் தீவிரம் தொடர வாய்ப்புள்ளதால், பொதுமக்கள் பாதுகாப்பான இடங்களுக்கு மாறத் தயாராக இருக்குமாறு அறிவுறுத்தப்பட்டுள்ளனர். குறிப்பாக தாழ்வான பகுதிகளில் வசிப்பவர்கள் மற்றும் ஆறுகளுக்கு அருகில் உள்ளவர்கள் கூடுதல் கவனத்துடன் இருக்குமாறு மாவட்ட அதிகாரி முகமது நஸ்ரி அஜுன் கேட்டுக்கொண்டுள்ளார்.