கால்பந்து உலகின் மிகப்பெரிய தொடரான சாம்பியன்ஸ் லீக் போட்டியில், நார்வே நாட்டைச் சேர்ந்த போடே/கிளிம்ட் அணி இத்தாலியின் ஜாம்பவானான இன்டர் மிலானை அதன் சொந்த மண்ணிலேயே 2-1 என்ற கோல் கணக்கில் வீழ்த்தி சாதனை படைத்துள்ளது. இரண்டு போட்டிகளின் மொத்த கணக்கில் (Aggregate) 5-2 என முன்னிலை பெற்று, அந்த அணி முதல்முறையாக சாம்பியன்ஸ் லீக் தொடரின் கடைசி 16 அணிகள் கொண்ட சுற்றுக்கு முன்னேறி அசத்தியுள்ளது.                                                                                                                                                                                                                   

மற்றொரு முக்கிய அறிவிப்பாக, 2026 கத்தார் பைனலிசிமா (Finalissima) போட்டியில் மோதவுள்ள ஸ்பெயின் மற்றும் அர்ஜென்டினா அணிகளுக்கு இடையிலான ஆட்டத்திற்கான டிக்கெட் விற்பனை இன்று தொடங்குகிறது. தோஹா நகரில் உள்ள லுசைல் மைதானத்தில் நடைபெறவுள்ள இந்த வரலாற்றுப் போட்டியை நேரடி காண ரசிகர்கள் பெரும் ஆர்வம் காட்டி வருகின்றனர்.