ஈரான் - அமெரிக்கா இடையிலான அமைதிப் பேச்சுவார்த்தை தோல்வியடைந்ததால் ஏற்பட்டுள்ள உலகளாவிய பதற்றம் மலேசியச் சந்தையிலும் பாதிப்பை ஏற்படுத்தியுள்ளது. இன்று காலை பங்குச்சந்தை தொடங்கியவுடன் எஃப்.பி.எம் கே.எல்.சி.ஐ (FBM KLCI) 8.27 புள்ளிகள் சரிந்து 1,683.04 என்ற நிலையை எட்டியது. முதலீட்டாளர்கள் பாதுகாப்பான முதலீடுகளை நோக்கித் திரும்புவதால் சந்தையில் மந்தநிலை காணப்படுகிறது.

மலேசிய ரிங்கிட்டின் மதிப்பும் சரிவைக் கண்டுள்ளது; அமெரிக்க டாலருக்கு எதிராக அதன் மதிப்பு 3.9695/3.9960 என்ற அளவில் உள்ளது. இருப்பினும், உலக சந்தையில் கச்சா எண்ணெய் விலை ஒரு பேரலுக்கு 100 டாலரைத் தாண்டியுள்ளதால், எரிசக்தி மற்றும் பெருந்தோட்டத்துறை சார்ந்த நிறுவனங்களின் பங்குகள் ஓரளவிற்கு உயர்வைச் சந்தித்துள்ளன.

மேற்கு ஆசியாவில் நீடிக்கும் மோதல் போக்கு, மலேசியாவின் எரிபொருள் மானியச் செலவுகள் மற்றும் ஒட்டுமொத்த பொருளாதார வளர்ச்சியைப் பாதிக்கும் அபாயம் இருப்பதால் அரசாங்கம் நிலைமையைத் தீவிரமாகக் கண்காணித்து வருகிறது.