ஹார்முஸ் நீர்சந்தியில் நிலவும் பதற்றம் காரணமாக உலகளவில் கச்சா எண்ணெய் விலை உயர்ந்துள்ளதால், மலேசிய அரசு தனது அமைச்சுக்களின் செலவினங்களைக் குறைக்குமாறு சிக்கன நடவடிக்கைகளை அறிவித்துள்ளது. நாட்டின் பட்ஜெட்டில் பற்றாக்குறை ஏற்படுவதைத் தவிர்க்கவும், அதே நேரத்தில் அத்தியாவசிய பொதுச் சேவைகளைப் பாதிக்காமல் பாதுகாக்கவும் புத்ராஜெயா இந்த முடிவை எடுத்துள்ளது.

நிதி அமைச்சின் அறிவிப்பின்படி, மானியம் இல்லாத RON95 பெட்ரோல் லிட்டருக்கு 10 காசுகள் உயர்ந்து RM3.97 ஆகவும், RON97 பெட்ரோல் 5 காசுகள் உயர்ந்து RM4.90 ஆகவும் அதிகரித்துள்ளது. இருப்பினும், பொதுமக்களைப் பாதுகாக்கும் நோக்கில், BUDI95 திட்டத்தின் கீழ் மானிய விலையிலான RON95 பெட்ரோல் விலை RM1.99 ஆகவும், டீசல் விலை RM5.12 ஆகவும் மாற்றமின்றித் தொடர்கிறது.

வாழ்க்கைச் செலவினம் அதிகரித்து வருவது குறித்து நுகர்வோர் அமைப்புகள் கவலை தெரிவித்துள்ளன. அத்தியாவசியப் பொருட்களின் விலையைக் கட்டுப்படுத்த அரசு கூடுதல் நடவடிக்கை எடுக்க வேண்டும் என்று அவர்கள் கோரிக்கை விடுத்துள்ளனர். இதற்கிடையில், பொதுச் சேவைகளில் அதிக அளவில் நிதி குறைக்கப்பட்டால் அது நாட்டின் பொருளாதார வளர்ச்சியைப் பாதிக்கும் என்று முன்னாள் நிதியமைச்சர் லிம் குவான் எங் எச்சரித்துள்ளார்.