கோலாலம்பூர்:

கிள்ளான் பள்ளத்தாக்கு (Klang Valley) பகுதிகளில் நடந்த பல ஆயுதமேந்திய கொள்ளைச் சம்பவங்களுடன் தொடர்புடையதாகக் கருதப்படும் இரண்டு உள்ளூர் குற்றவாளிகள், போலீசாருடன் ஏற்பட்ட துப்பாக்கிச் சண்டையில் சுட்டுக் கொல்லப்பட்டனர்.

நேற்று திங்கட்கிழமை (மே 25) இரவு 9.10 மணியளவில், காஜாங், பாங்கி லாமாவில் உள்ள பண்டார் ஸ்ரீ புத்ரா, ஜாலான் பெர்சியாரான் ஸ்ரீ புத்ரா 2 (Jalan Persiaran Seri Putra 2) பகுதியில் இந்தச் சம்பவம் நிகழ்ந்துள்ளது.

புக்கிட் அமான் குற்றப் புலனாய்வுத் துறையின் (CID) அதிரடி நடவடிக்கையின் போது இந்தத் துப்பாக்கிச் சூடு நடத்தப்பட்டதாக அதன் இயக்குனர் டத்தோ எம். குமார் தெரிவித்தார்.

சம்பவ இடத்திலிருந்து போலீசார் ஒரு ரிவால்வர் (துப்பாக்கி) மற்றும் தோட்டாக்கள், 4 வீச்சரிவாள்கள் (மச்செட்டே), பூட்டை உடைக்கும் கருவிகள், முகமூடிகள் மற்றும் கையுறைகள் என்பன கைப்பற்றப்பட்டன.

சுட்டுக் கொல்லப்பட்ட இருவரும் கிள்ளான் பள்ளத்தாக்கில் தொடர்ச்சியான பல கொள்ளைச் சம்பவங்களில் ஈடுபட்டு வந்த தீவிரக் குற்றவாளிகள் என போலீசார் தரப்பில் தெரிவிக்கப்பட்டுள்ளது. இதுகுறித்த கூடுதல் விவரங்களை வெளியிடுவதற்காக, போலீசார் இன்று செய்தியாளர் சந்திப்பு ஒன்றை நடத்தவுள்ளனர்.