ஜோகூர் பாருவின் தம்போய் பகுதியில் உள்ள ஒரு அடுக்குமாடிக் கட்டிடத்தின் 12வது மாடியிலிருந்து இரண்டு குழந்தைகள் கீழே விழுந்ததில், அவர்களில் ஒருவர் உயிரிழந்ததைத் தொடர்ந்து, 37 வயதான அப்பெண்ணை நேற்று காவல்துறை கைது செய்தது.

வெளிநாட்டவரான அப்பெண் நண்பகல் கைது செய்யப்பட்டு, நான்கு நாட்களுக்கு நீதிமன்றக் காவலில் வைக்கப்பட்டுள்ளார என்று ஜோகூர் காவல்துறைத் தலைவர் அப்துல் ரஹ்மான் அர்சாத் கூறியதாக பெர்னாமா செய்தி வெளியிட்டுள்ளது. சந்தேக நபருக்கு எந்தக் குற்றப் பின்னணியும் இல்லை, மேலும் போதைப்பொருள் சோதனையிலும் அவருக்குத் தொற்று இல்லை என முடிவு வந்துள்ளது என்று அவர் கூறியதாக மேற்கோள் காட்டப்பட்டுள்ளது.

துஷ்பிரயோகம், புறக்கணிப்பு மற்றும் கைவிடுதல் ஆகிய குற்றங்களுக்காக, 2001 ஆம் ஆண்டு குழந்தைகள் சட்டத்தின் கீழ் இந்த வழக்கு விசாரிக்கப்பட்டு வருவதாக ரஹ்மான் கூறினார். குற்றத்திற்கான நோக்கம் இன்னும் கண்டறியப்பட்டு வருவதாகவும் அவர் தெரிவித்தார். மேலும், பல சாட்சிகள் வாக்குமூலம் அளிக்க அழைக்கப்பட்டுள்ளதாகவும் அவர் கூறினார்.

இன்று காலை சுமார் 8 மணியளவில், அடுக்குமாடிக் கட்டிடத்தின் ஏழாவது மாடியில் எட்டு வயது சிறுமியின் சடலம் கண்டெடுக்கப்பட்டதாக ஜோகூர் பாரு வடக்கு காவல் துறைத் தலைவர் ராடின் ரம்லான் ராடின் தாஹா தெரிவித்தார். அவரது 10 வயது சகோதரன் பலத்த காயங்களுடன் கண்டெடுக்கப்பட்டான்.