இது முற்றிலும் போலியானது- நிதி அமைச்சு

வரவிருக்கும் தேசியத் தினத்தைக் கொண்டாடும் வகையில் 18 வயதிற்கு மேற்பட்ட அனைத்து மலேசியர்களுக்கும் ஒருமுறை மட்டும் வழங்கப்படும் RM100 ‘சாரா’ (SARA) நிதியுதவி அளிக்கப்படும் எனச் சமூக ஊடகங்களில் பரவி வரும் செய்திகளை மலேசிய நிதி அமைச்சு (MOF) திட்டவட்டமாக மறுத்துள்ளது.

இது குறித்து இணையத்தில் பரவி வரும் பிரச்சார போஸ்டர் முற்றிலும் போலியானது (Fake) என எச்சரித்துள்ள நிதி அமைச்சு, இத்தகைய சிறப்பு நிதியுதவி திட்டம் குறித்து அரசாங்கம் எந்தவொரு அதிகாரப்பூர்வ அறிவிப்பையும் வெளியிடவில்லை எனத் தெளிவுபடுத்தியுள்ளது.

போலிச் செய்திகளைப் பகிர வேண்டாம்: சமூக வலைத்தளங்களில் உலா வரும் இதுபோன்ற தவறான மற்றும் குழப்பத்தை விளைவிக்கும் போலிச் செய்திகளை பொதுமக்கள் நம்ப வேண்டாம் என்றும், அவற்றை மற்றவர்களுக்குப் பகிர வேண்டாம் என்றும் கேட்டுக்கொள்ளப்பட்டுள்ளனர்.

நிதியுதவிகள் மற்றும் அரசாங்கத் திட்டங்கள் குறித்த உண்மைத் தகவல்களை அறிந்துகொள்ள நிதி அமைச்சின் அதிகாரப்பூர்வ இணையதளம் மற்றும் சரிபார்க்கப்பட்ட அதிகாரப்பூர்வ சமூக ஊடகப் பக்கங்களை மட்டுமே அணுக வேண்டும் என அறிவுறுத்தப்பட்டுள்ளது.