கோலாலம்பூர், ஸ்தாப்பாக் உள்ள ஒரு அடுக்குமாடிக் குடியிருப்பின் 22ஆவது மாடியில் இருந்து ஆறாவது மாடியில் விழுந்த 18 வயது கல்லூரி மாணவர் ஒருவர் உயிரிழந்தார். ஜாலான் லங்காவியில் உள்ள ரெசிடென்சி தெராத்தாய் என்ற இடத்தில் இன்று காலை 8.50 மணிக்கு சடலத்தைக் கண்டறிந்த பாதுகாப்பு ஊழியர் ஒருவர் காவல்துறைக்குத் தகவல் தெரிவித்ததாக வாங்சா மஜு காவல் நிலையத் தலைவர் அன்னாஸ் சுலைமான் கூறினார்.

மலேசிய புவி அளவியல் பல்கலைக்கழகத்தில் முதலாம் செமஸ்டர் மாணவரான அந்த மாணவர், காலை 7.07 மணிக்கு பல்கலைக்கழகத்தால் வழங்கப்பட்ட அடுக்குமாடிக் குடியிருப்புக்குத் திரும்பியதை சிசிடிவி காட்சிகள் காட்டுவதாக அவர் கூறினார். பின்னர் அவர் 22ஆவது மாடி நடைபாதையில் இருந்து விழுவது காணப்பட்டது.

சம்பவ இடத்திலேயே மாணவர் உயிரிழந்தது உறுதி செய்யப்பட்டது. இந்த வழக்கு திடீர் மரணம் என வகைப்படுத்தப்பட்டுள்ளதுடன், விசாரணையை நிறைவு செய்ய மேலதிக விசாரணைகள் நடைபெற்று வருகின்றன. என்று அன்னாஸ் ஒரு அறிக்கையில் தெரிவித்தார்.