மலாக்கா அலோர் காஜாவில் உள்ள தாமான் கெலமாக் உத்தாமாவில் சிசுவைக் கொன்றதாகக் கூறப்படும் குற்றத்திற்காக 34 வயது குழந்தை பராமரிப்பாளர் தடுத்து வைக்கப்பட்டுள்ளார். கொலைக்கான தண்டனைச் சட்டத்தின் 30ஆவது பிரிவின் கீழ் விசாரணைக்கு உதவுவதற்காக மூன்று பிள்ளைகளின் தாய் வெள்ளிக்கிழமை மாலை (செப்டம்பர் 6) அலோர் காஜாவில் உள்ள நர்சரியில் தடுத்து வைக்கப்பட்டதாக அலோர் காஜா OCPD துணைத் தலைவர் அஷாரி அபு சாமா தெரிவித்தார்.

ஜோகூரைச் சேர்ந்த சந்தேக நபர் சனிக்கிழமை (செப்டம்பர் 7) ஆயர் குரோவில் உள்ள மாஜிஸ்திரேட் நீதிமன்றத்தில் ஆஜர்படுத்தப்படுவார் என்று அவர் கூறினார். வெள்ளிக்கிழமை காலை 7 மணிக்கு எட்டு மாத ஆண் குழந்தையை அவரது தாயும் தாத்தாவும் நர்சரிக்கு அனுப்பி வைத்தனர்.  குழந்தைக்கு அழுது கொண்டே இருப்பதாக பெற்றோருக்கு தெரிவிக்கப்பட்டவுடன்  அலோர்காஜா மருத்துவமனைக்கு அழைத்து சென்றனர். அங்கு இரண்டு மணி நேரம் கழித்து மூக்கில் இரத்தம் வர ஆரம்பித்து. அவரது உடல் நீல நிறமாக மாறியது என்று அவர் சனிக்கிழமை கூறினார்.

குழந்தையின் இறப்பிற்கான உண்மையான காரணத்தை அறிய அலோர் கஜா மருத்துவமனை பிரேத பரிசோதனையும் நடத்தியுள்ளதாக சுப்ட் ஆஷாரி கூறினார். இதற்கிடையில், குழந்தையின் தந்தை Major Ir Ts Mohd Fikry Amri Abd Halim, 39, தனது குடும்பத்திற்கு இதுபோன்ற ஒரு சோகம் நடக்கும் என்று தான் எதிர்பார்க்கவில்லை என்றார்.13 வருட காத்திருப்புக்குப் பிறகு, நானும் என் மனைவி சப்ரினா ஹக்கீம் ஜைனியும் ஒரு மகனைப் பெற்றதில் மகிழ்ச்சியடைந்தோம்.

ஆனால் எனது மகன் முஹம்மது அல் ஃபதேஹ் எங்களை  விட்டுச் சென்றுவிட்டார் என்று அவர் வெள்ளிக்கிழமை அலோர் காஜா மருத்துவமனையின் பிணவறையில் சந்தித்தபோது கூறினார். ஆயுதப் படையில் பணியாற்றும் முகமட் ஃபிக்ரி, தனது 39 வயதான மனைவி, ஒரே குழந்தையை இழந்ததால் மிகவும் மனமுடைந்துவிட்டதாகக் கூறினார்.

முஹம்மது அல் ஃபதேஹ் கீழே விழுந்ததாக முதலில் மனைவி நினைத்ததாகவும் ஆனால் சிசிடிவி காட்சிகளைப் பார்த்தபோது அதிர்ச்சியடைந்ததாகவும் அவர் கூறினார். எங்கள் குழந்தையை ஐந்து நாட்களுக்கு முன்பு நர்சரிக்கு அனுப்பினோம் என்றார். 2020 ஆம் ஆண்டு முதல் இயங்கி வரும் நர்சரி இன்னும் செயல்பட அதிகாரிகளிடம் அனுமதி பெறவில்லை என்று தெரிய வந்துள்ளது.