ஷா ஆலம், பிரிவு U15 இல் உள்ள கட்டுமான தளத்தில் இன்று வடிகால் தோண்டும் பணியின் போது நிலச்சரிவில் புதைந்த இரண்டு வெளிநாட்டு தொழிலாளர்கள் உயிரிழந்தனர். ஒரு அறிக்கையில், சிலாங்கூர் தீயணைப்பு மற்றும் மீட்புத் துறை இயக்குநர் வான் MD ரசாலி வான் இஸ்மாயில் தனது குழுவினருக்கு காலை 10.30 மணியளவில் சம்பவம் தொடர்பாக ஒரு துயர அழைப்பு வந்ததாகக் கூறினார். புக்கிட் ஜெலுத்தோங் தீயணைப்பு மற்றும் மீட்பு நிலையத்திலிருந்து அதிகாரிகள் மற்றும் பணியாளர்கள் குழு சம்பவ இடத்திற்கு அனுப்பி வைக்கப்பட்டதாக அவர் கூறினார்.

பாதிக்கப்பட்டவர்கள் வடிகால் கட்டுமானப் பணியின் போது மண்ணுக்கும், ‘யு பாக்ஸ் கல்வர்ட்’ கான்கிரீட் கட்டமைப்பிற்கும் அடியில் சிக்கிக் கொண்டனர். அவர்கள் வங்காளதேச பிரஜைகள் என்றும் அவர் கூறினார்.  முதல் நபரின் உடல் காலை 11.12 மணிக்கும், இரண்டாவது நபரின் உடல் காலை 11.35 மணிக்கும் மீட்கப்பட்டது.