லங்காவி அனைத்துலக கடல்சார் மற்றும் விண்வெளி கண்காட்சி 2025 (லிமா '25) நடைபெறும் சமயத்தில் குழாய்கள் வெடிப்பதைத் தடுக்க, Syarikat Air Darul Aman Sdn Bhd (சடா) மூன்று அழுத்த நிவாரண வால்வுகளை (PRVs) நிறுவியுள்ளது.அதிகரித்த நீர் அழுத்தத்தால் ஏற்படும் கசிவு அபாயத்தைக் குறைப்பதும், நிகழ்வு முழுவதும் தடையற்ற நீர் விநியோகத்தை உறுதி செய்வதும் இந்த நடவடிக்கையின் நோக்கமாகும்.சடாவின் அதிகாரப்பூர்வ ஃபேஸ்புக் பக்கத்தில் வெளியிடப்பட்ட அறிக்கையில்,ஜாலான் கோலா மூடா, ரெபாக் மரினா, ஜாலான் பாண்டாய் கோக்.

ஆகிய மூன்று இடங்களில் PRV-கள் நிறுவப்பட்டுள்ளதாக தெரிவிக்கப்பட்டுள்ளது."உள்நாட்டு நிதியைப் பயன்படுத்தி இந்தத் திட்டம் மேற்கொள்ளப்பட்டது. லிமா '25' சமயத்தில் நிலையான நீர் விநியோகத்தை உறுதி செய்வதற்கான சடாவின் முற்காப்பு நடவடிக்கைகளின் ஒரு பகுதியாகும் இது," என்று அந்த அறிக்கை கூறியுள்ளது."குறிப்பாக உயரமான பகுதிகளிலும், விநியோக அமைப்பின் இறுதிப் பகுதிகளிலும் அழுத்தத்தைக் கட்டுப்படுத்தி நீர் ஓட்டத்தை சீராக்குவதே PRV-களின் முக்கிய பணியாகும்," என்றும் அந்த அறிக்கை கூறுகிறது.மஹ்சூரி சர்வதேச கண்காட்சி மையம் (MIEC), ரிட்ஸ்-கார்ல்டன் ஹோட்டல் மற்றும் அதைச் சுற்றியுள்ள பகுதிகள் இந்தத் திட்டத்தின் மூலம் பயனடையும் என்றும் தெரிவிக்கப்பட்டுள்ளது."லிமா '25' முழுவதும் அதிகரிக்கும் நீர் தேவையை நிர்வகிக்கவும், நீர் விநியோகத்தில் ஏற்படும் இடையூறுகளைக் குறைக்கவும் இந்த முயற்சி உதவும் என்று சடா நம்புகிறது," என்று அது கூறியுள்ளது.17வது லிமா கண்காட்சி மே 20 முதல் 24 வரை நடைபெற உள்ளது. இதில் விண்வெளிப் பிரிவு MIEC-லும், கடல்சார் பிரிவு Resorts World Langkawi-லும் நடைபெறும்.