மலேசிய தமிழ் சினிமாவில் தனது முதலாவது படைத்தொடக்கமாக Five Star Trading நிறுவனம் தயாரித்துள்ள மிருகசிரிடம்: தி ஓரியன் (MSS) திரைப்படம் ஜூன் 19, 2025 அன்று திரைக்கு வர உள்ளது. பேய், நகைச்சுவை, குடும்பம், ஆக்‌ஷன் என பல்வேறு அம்சங்களை தனித்துவமாக கலந்து கூறும் இந்தத் திரைப்படம், பாரம்பரியம் மிளிரும் கதைக்களத்துடன் தனி வழியில் பயணிக்கிறது.

புதியதாக திருமணம் செய்த தம்பதியர் மற்றும் மனைவியின் தம்பி ஒரு அற்புத பயங்கர சம்பவத்தில் சிக்கி, அதிலிருந்து விடுபட குரு-ஜி எனும் மர்மமான ஆன்மிக நிபுணரிடம் உதவி பெறும் பயணமே கதைமொழி.

விஜய் கணேஷ் இயக்கி, கதாநாயகனாகவும் நடித்துள்ள MSS படத்தில், ஜெகன், நிர்மலா தர்மராஜன், ஜோஷுவா சசி குமார், குமரி உள்ளிட்டோர் முக்கிய வேடங்களில் நடித்துள்ளனர். Shane Xtreme இசையமைக்கிறார்.

இந்த மாய உலகத்தின் கதையை முன்வைக்கும் MSS படம், மலேசிய தமிழ் ரசிகர்களுக்கான விசித்திரமான சினிமா அனுபவமாக இருக்கிறது.