விஜய் பிறந்தநாளை முன்னிட்டு த்ரிஷா தன் சோஷியல் மீடியா பக்கத்தில் ஒரு புகைப்படத்தை பகிர்ந்து அவருக்கு பிறந்தநாள் வாழ்த்துக்களை தெரிவித்தார். அந்த புகைப்படம் GOAT படம் வெளியானபோது எடுக்கப்பட்டதாம். அந்த புகைப்படத்தை ஷேர் செய்து விஜய்க்கு வாழ்த்து சொன்னார் த்ரிஷாவிஜய் நேற்று தனது 51 ஆவது பிறந்தநாளை கொண்டாடினார். அவரின் பிறந்தநாளை முன்னிட்டு ரசிகர்கள், திரைபிரபலங்கள், அரசியல் கட்சி தலைவர்கள் என அனைவரும் தங்களின் வாழ்த்துக்களை தெரிவித்தனர். அந்த வகையில் நடிகை த்ரிஷாவும் விஜய்யின் பிறந்தநாளை முன்னிட்டு ஒரு புகைப்படத்தை பகிர்ந்து அவருக்கு பிறந்தநாள் வாழ்த்துக்களை தெரிவித்தார். அந்த பதிவு தான் தற்போது வைரலாகி வருகின்றது.விஜய்யுடன் பல படங்களில் இணைந்து நடித்திருக்கிறார் த்ரிஷா. கில்லி, திருப்பாச்சி, ஆதி, குருவி, லியோ என பல படங்களில் விஜய் -த்ரிஷா இணைந்து நடித்திருக்கின்றனர். கோலிவுட்டின் ஹிட் ஜோடி என அழைக்கப்படும் விஜய் மற்றும் த்ரிஷா GOAT படத்தில் கூட இணைந்து நடனமாடியிருந்தனர். மட்ட என்ற செம குத்து பாடலுக்கு விஜய்யுடன் நடனமாடினார் த்ரிஷா. அந்த படத்தில் ஒரு பாடலுக்கு மட்டும் த்ரிஷா கேமியோ செய்திருந்தார்.இந்நிலையில் GOAT திரைப்படத்தின் வெற்றி கொண்டாட்டம் நடைபெற்ற போது எடுக்கப்பட்ட புகைப்படத்தை தான் த்ரிஷா தற்போது ஷேர் செய்து விஜய்க்கு பிறந்தநாள் வாழ்த்துக்களை தெரிவித்து இருக்கின்றார். இந்நிலையில் குருவி திரைப்படத்திற்கு தொடர்ந்து நீண்ட இடைவேளைக்கு பிறகு த்ரிஷா மற்றும் விஜய் லியோ படத்தின் மூலம் இணைந்து நடித்தனர்.

லியோ படத்தின் மூலமும் அவர்கள் ஹிட் ஜோடி என மீண்டும் ஒரு முறை நிரூபித்தனர்.அதன் பிறகு GOAT திரைப்படத்தில் ஒரு பாடலுக்கு மட்டும் த்ரிஷா விஜய்யுடன் நடனமாடுவார் என சொல்லப்பட்டது. முதலில் இந்த தகவலை பெரும்பாலானோர் நம்பவில்லை. த்ரிஷா போன்ற முன்னணி நாயகி எப்படி ஒரு பாடலுக்கு மட்டும் நடனமாடுவார் என கேட்டார்கள். ஆனால் சொன்னது போலவே GOAT திரைப்படத்தில் மட்ட என்ற ஒரு பாடலுக்கு மட்டும் த்ரிஷா நடனமாடினார். அப்பாடலும் சூப்பர் டூப்பர் ஹிட்டடித்தது.கில்லி திரைப்படத்தில் துவங்கிய இவர்களது வெற்றிப்பயணம் GOAT படம் வரை தொடர்ந்து வந்தது. தற்போது விஜய் தன் கடைசி திரைப்படமான ஜனநாயகன் என்ற திரைப்படத்தில் நடித்து முடித்துவிட்டார். அதன் பிறகு விஜய் சினிமாவை விட்டு செல்வதால் இனி விஜய் மற்றும் த்ரிஷா இணைந்து நடிக்க வாய்ப்பே இல்லை என தெரிகின்றது. இருந்தாலும் விஜய் -த்ரிஷா இணைந்து நடித்த படங்கள் என்றென்றும் ரசிகர்களால் கொண்டாடப்படும் படங்களாக இருக்கும் என்பதில் எந்த சந்தேகமும் இல்லை.GOAT படத்தில் விஜய்யும் த்ரிஷாவும் நடனமாடுவதை பார்த்ததன் பிறகு நாஸ்டாலஜிக் பீல் வந்ததாக 90 ஸ் கிட்ஸ் ரசிகர்கள் கூறி வந்தனர். கில்லி திரைப்படத்தில் இடம்பெற்ற அப்படி போடு பாடலின் நடன அசைவுகள் சில GOAT பட பாடலிலும் இடம்பெற்றது. அதை பார்த்து ரசிகர்கள் அந்த கால நினைவுகளை அசைபோட துவங்கினார்கள். 90 ஸ் கிட்ஸ் ரசிகர்களால் விஜய் -த்ரிஷா நடித்த படங்களை மறக்கவே முடியாது.கில்லி, திருப்பாச்சி என அவர்கள் நடித்த அனைத்து படங்களும் ரசிகர்களின் மாபெரும் வரவேற்பை பெற்ற படங்களாகும். ஒரு குறிப்பிட்ட ரசிகர்கள் கில்லி படம் பார்த்து விஜய் ரசிகர்களாக மாறியதும் உண்டு. அப்படி மாறிய ரசிகர்களுக்கு விஜய் -த்ரிஷா படங்களை மறக்கவே முடியாது.எனவே தான் விஜய் பிறந்தநாளில் த்ரிஷா வாழ்த்து சொன்னது மிகப்பெரிய அளவில் ட்ரெண்டாகி வருகின்றது.