தி ஹேக் (நெதர்லாந்து),நாசி லெமாக், புதிதாக தே தாரிக் ஆகியவற்றின் நறுமணம் காற்றை நிரப்பியத அதே நேரத்தில் கவர்ச்சிகரமான கலாச்சார நிகழ்ச்சிகள் ஹேக்கில் 2025 ஆம் ஆண்டுக்கான துடிப்பான ஆசியான் தின கொண்டாட்டத்திற்கான தொனியை அமைத்தன. வெள்ளிக்கிழமை இந்த நிகழ்வை மலேசிய தூதரகம், இந்தோனேசியா, பிலிப்பைன்ஸ், தாய்லாந்து, வியட்நாம் தூதரகங்களுடன் இணைந்து ஒற்றுமைக்கான புதுப்பிக்கப்பட்ட அழைப்போடு கொண்டாடியதால், தென்கிழக்கு ஆசியாவின் வளமான பாரம்பரியத்தின் வண்ணமயமான காட்சி உயிர்ப்பித்தது.

மலேசியர்களின் விருப்பமான – நாசி லெமாக், தே தாரேக் சிறப்பாக தயாரிக்கப்பட்ட டூரியான் பலகாரங்கள் கூட்டத்தினரை மகிழ்வித்ததோடு பங்கேற்பாளர்களின் பாராட்டைப் பெற்றன. ஹேக்கில் உள்ள மலேசிய தூதரகம் ஒரு அறிக்கையில், “ஆசியான் நிலையான  எதிர்காலத்தை நோக்கி” என்ற இந்த ஆண்டின் கருப்பொருளின் கீழ் பிராந்தியத்தின் பன்முகத்தன்மையைக் கொண்டாட இராஜதந்திரிகள், அரசு அதிகாரிகள், பொதுமக்கள் கூடியிருந்தனர்.

மலேசியாவின் தூதரும் ஹேக்கில் உள்ள ஆசியான் குழுவின் தலைவருமான டத்தோ ரோசெலி அப்துல் தனது வரவேற்பு உரையில், ஆசியானின் பல தசாப்தங்களாக குறிப்பிடத்தக்க சாதனைகளை எடுத்துரைத்தார், மேலும் ஒரு மீள்தன்மை, புதுமையான மற்றும் மக்களை மையமாகக் கொண்ட ஆசியான் சமூகத்தை உருவாக்குவதற்கான புதுப்பிக்கப்பட்ட முயற்சிகளுக்கு அழைப்பு விடுத்தார்.  இந்த நிகழ்வில் பிரஸ்ஸல்ஸைச் சேர்ந்த ஆசியான் தூதர்கள், லண்டனைச் சேர்ந்த திமோர்-லெஸ்டேவின் தூதர், டச்சு அரசு, அனைத்துலக அமைப்புகளின் பிரதிநிதிகள், ஊடக உறுப்பினர்கள் கலந்து கொண்டனர்.

நெதர்லாந்து வெளியுறவு அமைச்சகத்தை பிரதிநிதித்துவப்படுத்தும் ஜெர்ரி வில்லெம்ஸ், ஆசியானுக்கும் நெதர்லாந்திற்கும் இடையிலான நெருங்கிய உறவுகளை மீண்டும் உறுதிப்படுத்தினார். இரு தரப்பினரும் புதிய வாய்ப்புகளை ஆராய்ந்து பரஸ்பர மரியாதை மற்றும் பகிரப்பட்ட மதிப்புகளின் அடிப்படையில் ஒத்துழைப்பை வலுப்படுத்துவார்கள் என்று அவர் நம்பிக்கை தெரிவித்தார்.

2025 ஆம் ஆண்டு ஆசியான் தின கொண்டாட்டம் ஒரு மகத்தான வெற்றியாகப் பாராட்டப்பட்டது. இது நெதர்லாந்திலும் அதற்கு அப்பாலும் நட்பு, ஒத்துழைப்பு, கலாச்சார புரிதலை ஆழப்படுத்த ஆசியான் உறுப்பு நாடுகளின் பகிரப்பட்ட உறுதிப்பாட்டை அடிக்கோடிட்டுக் காட்டுகிறது. இந்த நிகழ்வை ஹேக்கில் உள்ள வேளாண் ஆலோசகர் அலுவலகம், மாட்றேட்,  மலேசியா  சுற்றுலாத் துறை ஆகியவற்றின் ஒத்துழைப்பும் போன்ற இருந்தன.