ஜார்ஜ்டவுன்,

பினாங்கு, Air Hitam பகுதியில் உள்ள ஜாலான் பாயா தெருபோங் சாலையில் (Jalan Paya Terubong, Ayer Itam) வளைவான, மலைப் பகுதியில் ஒரு தொழிற்சாலை தொழிலாளர்களை எடுத்துச் சென்ற பேருந்து விபத்துக்குள்ளானது.   இந்த விபத்தில் 6 பேர் சிறிய காயங்களுடன் காயமடைந்தனர் என மலேசிய தீயணைப்பு மற்றும் மீட்பு துறை (JBPM) உதவியாளர் இயக்குநர் ஜான் சாகுன் பிரான்சிஸ் தெரிவித்தார்.

காலை 7.24 மணிக்கு அவசர அழைப்பு கிடைத்ததும், பாயா தெருபோங் தீயணைப்பு நிலையத்திலிருந்து தீயணைப்பு வீரர்கள் சம்பவ இடத்திற்கு விரைந்து சென்றனர்.

பேருந்தில் 29 பேர் தொழிலாளர்கள் மற்றும் 1 ஓட்டுநர் உட்பட 30 பேர் இருந்தனர், காயமடைந்த 6 தொழிலாளர்கள் ஆரம்ப சிகிச்சை பெற்றபின் அருகேயுள்ள மருத்துவமனைக்கு அனுப்பப்பட்டனர். மற்றவர்கள் பாதுகாப்பாக உள்ளனர்.

மீட்பு நடவடிக்கை தீயணைப்பு மற்றும் அவசர மருத்துவ சேவைகளின் உதவியுடன் விரைந்து முடிக்கப்பட்டது.

போக்குவரத்து மற்றும் பாதுகாப்பு அதிகாரிகள் இந்த சம்பவத்தை விசாரணை செய்து வருகின்றனர்.