கோலாலம்பூர்:

வட கொரியாவின் தலைவர் கிம் ஜோங் உன் (Kim Jong Un), தனது தனித்துவமான பச்சை கவச இரயிலில் (armoured train), இந்த வாரம், பெய்ஜிங் சென்றடைந்தார். இது, வட கொரிய நாட்டின் தலைவர்கள், பல தசாப்தங்களாகப் பின்பற்றி வரும் இரயில் பயண மரபைத் தொடர்கிறது. பழைய விமானங்களை விட, வட கொரியத் தலைவர்கள், துப்பாக்கிச் சூட்டிலிருந்து பாதுகாக்கக்கூடிய இரயில்களையே விரும்புகின்றனர். இந்த இரயில்கள், பாதுகாப்பு, வசதி, அலுவலகங்கள், பாதுகாப்புப் பணியாளர்கள், மருத்துவ ஊழியர்கள், கவச வாகனங்களுக்கான இடத்தையும் வழங்குகின்றன.

கிம்-இன் இரயில்களில், மரத்தாலான அலுவலகங்கள், தங்கம் பூசப்பட்ட சின்னங்கள், ஆடம்பரமான பொருட்கள் அதிகப்படியாக நிரம்பியுள்ளன. இது, அவரது தந்தை கிம் ஜோங் இல் (Kim Jong Il) அவர்களின் ஆடம்பரமான பயணங்களை நினைவுபடுத்துகிறது.

வெளிநாடுகளுக்குப் பயணிக்கும்போது, இந்த இரயில்கள், சீன இரயில் வண்டிகளால் இழுத்துச் செல்லப்படுகின்றன. ரஷ்யா போன்ற வெவ்வேறு இரயில் தண்டவாள அளவுகளைக் கொண்ட நாடுகளைக் கடக்கும்போது, சிறப்பு மாற்றங்கள் செய்யப்படுகின்றன. சீனாவில், மணிக்கு 80 கிலோமீட்டர் வேகத்தில் செல்லும் இந்த இரயில்கள், வட கொரியத் தலைமைக்கு, பாதுகாப்பான பயணத்தையும், ஆளும் குடும்பத்தின் தொடர்ச்சிக்கும், பிரச்சாரத்திற்கும் சக்திவாய்ந்த அடையாளத்தை வழங்குகின்றன.