புதன்கிழமை வடகிழக்கு தாய்லாந்தில் ஒரு கட்டுமான கிரேன் ஒன்று ஓடும் பயணிகள் ரயில் மீது சரிந்து விழுந்து குறைந்தது 31 பேர் கொல்லப்பட்ட சம்பவத்தில் மலேசியர்கள் யாரும் ஈடுபடவில்லை. தாய்லாந்திற்கான மலேசிய தூதர் டத்தோ வான் ஜைதி வான் அப்துல்லா கூறுகையில், இந்த சம்பவம் புதன்கிழமை உள்ளூர் நேரப்படி காலை 9.45 மணிக்கு பாங்காக்கிலிருந்து சுமார் 230 கி.மீ வடகிழக்கில் உள்ள நக்கோன் ராட்சசிமா மாகாணத்தின் சிகியோ மாவட்டத்தில் நடந்ததாகவும், குறைந்தது 64 பேர் காயமடைந்ததாகவும், மேலும் மூன்று பேர் காணாமல் போனதாகவும் தெரிவித்தார்.

ரயில் பாங்காக்கிலிருந்து பயணித்து உபோன் ராட்சதானி மாகாணத்திற்குச் சென்று கொண்டிருந்தது என்றார். காயமடைந்த அனைவரும் தாய்லாந்து குடிமக்கள் என அடையாளம் காணப்பட்டுள்ளனர். அதே நேரத்தில் இறந்தவர்களின் அடையாளங்கள் இன்னும் முழுமையாக சரிபார்க்கப்படவில்லை. இதுவரை எந்த வெளிநாட்டினரும் பதிவு செய்யப்படவில்லை.

உள்ளூர் நேரப்படி மாலை 5.20 மணி நிலவரப்படி கிடைத்த தகவல்களின் அடிப்படையில், இந்த சம்பவத்தால் எந்த மலேசியர்களும் பாதிக்கப்படவில்லை என்று அவர் புதன்கிழமை பெர்னாமாதொடர்பு கொண்டபோது கூறினார். ரயிலில் சுமார் 195 பயணிகள் மற்றும் ஊழியர்கள் இருந்ததாக ஊடக அறிக்கைகள் தெரிவித்தன. இதற்கிடையில், போக்குவரத்து அமைச்சர் பிபாட் ரட்சகித்பிரகர்ன் இந்த சம்பவம் குறித்து முழுமையான விசாரணைக்கு உத்தரவிட்டார்.