மலேசியாவின் அம்பாங் அருகே உள்ள காட்டுப் பகுதியில் எதிர்பாராத விதமாக ஏற்பட்ட பயங்கர தீ விபத்து காரணமாக அந்தப் பகுதியே புகைக்காடாக மாறியது. இதனால் அருகில் உள்ள SUKE நெடுஞ்சாலையில் வாகன ஓட்டிகள் பெரும் சிரமத்திற்கு ஆளாகினர்.
புகைமூட்டம் காரணமாகக் கண்ணுக்குப் புலப்படும் தன்மை குறைந்ததால், அந்த சாலையில் போக்குவரத்துப் பாதிப்பு ஏற்பட்டது. தீயணைப்புத் துறையினர் விரைந்து வந்து தீயைக் கட்டுப்படுத்தும் பணியில் ஈடுபட்டனர். அருகில் உள்ள குடியிருப்பு பகுதிகளுக்கும் புகை பரவியதால் மக்கள் அச்சமடைந்தனர்.
தற்போது நிலவி வரும் வறண்ட வானிலை காரணமாக இத்தகைய தீ விபத்துகள் ஏற்பட வாய்ப்புள்ளதால், பொதுமக்கள் எச்சரிக்கையாக இருக்குமாறு அறிவுறுத்தப்பட்டுள்ளனர். தீ விபத்துக்கான காரணம் குறித்து அதிகாரிகள் விசாரணை நடத்தி வருகின்றனர்.
