நடிகை தமன்னா ஒரு திரைப்படத்திற்கு சுமார் ₹4 கோடி முதல் ₹7 கோடி வரை சம்பளமாகப் பெறுகிறார். ஆனால், அவரது உண்மையான வருவாய் சினிமாவுக்கு வெளியே இருக்கும் தொழில்கள் மூலமே அதிகம் வருகிறது. குறிப்பாக, தனது தந்தை 15 ஆண்டுகளுக்கும் மேலாக நகை வியாபாரத்தில் இருந்ததால், தமன்னாவும் 'White & Gold' என்ற ஆன்லைன் நகை நிறுவனத்தைத் தொடங்கி வெற்றிகரமாக நடத்தி வருகிறார். இது தவிர, சமீபத்தில் தனது சொந்தத் தயாரிப்பான 'Tamannah Fine Jewellery' என்ற புதிய பிராண்டையும் அவர் அறிமுகப்படுத்தியுள்ளார்.
விளம்பரத் துறையில் தமன்னா ஒரு தவிர்க்க முடியாத சக்தியாக உள்ளார். ஒரு பிராண்ட் விளம்பரத்திற்காக அவர் சுமார் ₹2 கோடி முதல் ₹3 கோடி வரை வசூலிக்கிறார். சமீபத்தில், கர்நாடகா சோப்ஸ் அண்ட் டிடர்ஜென்ட் லிமிடெட் (KSDL) நிறுவனத்தின் மைசூர் சாண்டல் சோப் விளம்பரத்திற்காக இரண்டு ஆண்டுகளுக்கு ₹6.2 கோடி ஒப்பந்தத்தில் அவர் கையெழுத்திட்டுள்ளார். மேலும், மொபைல் பிரீமியர் லீக் (MPL), ஃபாண்டா போன்ற பல முன்னணி பிராண்டுகளின் தூதராகவும் அவர் செயல்பட்டு வருகிறார்.
ரியல் எஸ்டேட் முதலீடுகளிலும் தமன்னா அதிக ஆர்வம் காட்டி வருகிறார். மும்பை ஜுஹு பகுதியில் ₹16 கோடி மதிப்புள்ள பிரம்மாண்ட அபார்ட்மெண்ட், அந்தேரி பகுதியில் ₹24 கோடி மதிப்பிலான வணிக ரீதியான இடங்கள் எனப் பல சொத்துகளை அவர் வாங்கி குவித்துள்ளார். வெறும் 10 நிமிட நேரலை நிகழ்ச்சிகளுக்காக ₹50 லட்சம் முதல் ₹60 லட்சம் வரை பெரும் தமன்னாவின் மொத்த சொத்து மதிப்பு தற்போது சுமார் ₹120 கோடி முதல் ₹150 கோடி வரை இருக்கும் எனக் கணிக்கப்படுகிறது.
