2026-ஆம் ஆண்டின் முதல் விண்வெளி அதிசயமான 'நெருப்பு வளைய' (Ring of Fire) சூரிய கிரகணம் இன்று நிகழ்கிறது. இந்த கிரகணத்தின் போது சந்திரன் சூரியனை முழுமையாக மறைக்காமல், அதன் விளிம்புகளில் மட்டும் ஒரு பிரகாசமான ஒளி வளையத்தைத் தோற்றுவிக்கும். இந்த அரிய நிகழ்வு முக்கியமாக அண்டார்டிகா பகுதியில் முழுமையாகத் தெரிகிறது. 

இந்த கிரகணம் இந்திய நேரப்படி மாலை 3:26 மணிக்குத் தொடங்கி இரவு 7:57 மணி வரை நீடிக்கும். தென் ஆப்பிரிக்கா, அர்ஜென்டினா, சிலி மற்றும் மடகாஸ்கர் போன்ற தெற்கு அரைக்கோள நாடுகளில் இது பகுதி அளவு கிரகணமாகத் தெரிகிறது. இருப்பினும், ஐக்கிய அரபு எமிரேட்ஸ் மற்றும் இந்தியா போன்ற நாடுகளில் இது கண்ணுக்குத் தெரியாது என்று வானியல் நிபுணர்கள் தெரிவித்துள்ளனர்.