ஈரானின் புஷெர் (Bushehr) அணுமின் நிலையத்தின் அருகாமையில் இன்று செவ்வாய்க்கிழமை மாலை ஒரு ஏவுகணை தாக்கியுள்ளது. இந்தத் தாக்குதலால் அணுமின் நிலையத்திற்கு எந்தச் சேதமும் ஏற்படவில்லை என்றும், ஊழியர்கள் யாரும் காயமடையவில்லை என்றும் சர்வதேச அணுசக்தி முகமையிடம் (IAEA) ஈரான் தெரிவித்துள்ளது. அமெரிக்கா-இஸ்ரேல் மற்றும் ஈரான் இடையேயான போர் மூன்றாவது வாரமாக நீடித்து வரும் நிலையில் இந்தச் சம்பவம் நிகழ்ந்துள்ளது. 

IAEA தலைவர் ரஃபேல் க்ரோஸி, அணுசக்தி விபத்துகளைத் தவிர்க்க இரு தரப்பினரும் அதிகபட்ச நிதானத்தைக் கடைப்பிடிக்க வேண்டும் என்று மீண்டும் வலியுறுத்தியுள்ளார். ஈரான் நேரப்படி இரவு 7 மணியளவில் இந்த ஏவுகணை புஷெர் துறைமுக நகருக்கு அருகே விழுந்ததாகக் கூறப்படுகிறது. ரஷ்யாவின் ரோசாட்டம் (Rosatom) நிறுவனம் இந்தத் தாக்குதலைக் கண்டித்துள்ளதுடன், அப்பகுதியில் கதிரியக்க அளவு சாதாரணமாகவே இருப்பதை உறுதிப்படுத்தியுள்ளது. 

மத்திய கிழக்கு நாடுகளில் நிலவும் இந்த போர் பதற்றத்தால், சர்வதேச அளவில் கச்சா எண்ணெய் விலையும் உயர்ந்து வருகிறது. பெட்ரோல் மற்றும் டீசல் விலையிலும் சில நாடுகளில் ஏற்ற இறக்கங்கள் காணப்படுகின்றன. இப்போர் காரணமாக ஆயிரக்கணக்கான மக்கள் உயிரிழந்துள்ள நிலையில், இந்த சமீபத்திய தாக்குதல் உலக நாடுகளிடையே பெரும் கவலையை ஏற்படுத்தியுள்ளது.