லாகூர், பாகிஸ்தானில் பயங்கரவாதிகள் நடத்திய தாக்குதலில் ராணுவ வீரர்கள் 9 பேர் உயிரிழந்தனர்.

பாகிஸ்தானில் பல்வேறு பயங்கரவாத அமைப்புகள், கிளர்ச்சிக்குழுக்கள் செயல்பட்டு வருகின்றனர். இந்த பயங்கரவாத அமைப்புகள் பாதுகாப்புப்படையினர் மீதும், பொதுமக்கள் மீதும் அவ்வப்போது தாக்குதல் நடத்தி வருகின்றன.

9 வீரர்கள் பலி

இந்நிலையில், பாகிஸ்தானின் பலூசிஸ்தான் மாகாணத்தில் ராணுவ வாகனங்கள் மீது பயங்கரவாதிகள் தாக்குதல் நடத்தினர். இந்த தாக்குதலில் ராணுவ வீரர்கள் 9 பேர் உயிரிழந்தனர். இந்த தாக்குதலுக்கு பலூசிஸ்தான் விடுதலை முன்னணி என்ற பயங்கரவாத அமைப்பு பொறுப்பேற்றுள்ளது.

இந்த அமைப்பின் பெண்கள் பிரிவான கரீமா ஆயுத பிரிவு இந்த தாக்குதலை நடத்தியுள்ளது. கடந்த 22ம் தேதி இந்த தாக்குதலை நடத்தியதாக அந்த அமைப்பு தெரிவித்துள்ளது.