புத்ராஜெயா: 12 ஆண்டுகளுக்கு முன்பு தனது கணவரைக் கொன்றதாகக் குற்றம் சாட்டப்பட்ட ஒரு இல்லத்தரசி மற்றும் அவரது முன்னாள் காதலர் இருவரும் இன்று தூக்கு மேடையில் இருந்து தப்பினர். தலைமை நீதிபதி துன் தெங்கு மைமுன் துவான் மாட் தலைமையிலான மூன்று நீதிபதிகள் குழு, மரண தண்டனை மற்றும் இயற்கை வாழ்வுக்கான சிறைத்தண்டனை திருத்தத்தின் கீழ் அவர்களின் விண்ணப்பங்களை வழங்கிய பின்னர் K. அன்னமா 47,  G. புகனேஸ்வரன் 34, ஆகியோருக்கு (ஃபெடரல் நீதிமன்றத்தின் தற்காலிக அதிகார வரம்பு) சட்டம் 2023 சட்டத்தின் கீழ் விதிக்கப்பட்ட மரண தண்டனையை ரத்து செய்தது.

கூட்டரசு நீதிமன்ற நீதிபதிகள் டத்தோ ரோட்ஜாகரியா புஜாங் மற்றும் டத்தோ நோர்டின் ஹாசன் ஆகியோருடன் அமர்ந்து நீதிபதி தெங்கு மைமுன் பிப்ரவரி 17, 2012 அன்று கைது செய்யப்பட்ட தேதியிலிருந்து இரு பிரதிவாதிகளும் சிறைத் தண்டனையை அனுபவிக்க உத்தரவிட்டார். மேலும் புகனேஸ்வரனுக்கு 12 பிரம்படி தண்டனையை விதித்தார்.

முன்னதாக, புகனேஸ்வரனின் வழக்கறிஞர் ஏ. சகாதேவா, கொலையின் போது தனது கட்சிக்காரர் அறையில் இருக்கவில்லை என்றும் அன்னமா மற்றும் நான்கு இளைஞர்கள் மட்டுமே இதில் ஈடுபட்டுள்ளனர் என்றும் வாதிட்டு, தனது கட்சிக்காரருக்கு மரண தண்டனையை ரத்து செய்யுமாறு கோரினார். இளைஞர்களுக்குப் பணம் கொடுக்கப் பயன்படுத்தப்பட்டதாகக் கூறப்படுவதற்கு எந்த ஆதாரமும்  இல்லை. அன்னமா தனது கணவரால் துன்புறுத்தலுக்கு ஆளானார்  என்றும் குறிப்பிட்டார். எவ்வாறாயினும், அன்னமாவை பிரதிநிதித்துவப்படுத்தும் வான் எம். ரசாலி வான் ஏ. கதிர், புகனேஸ்வரன் தான் அந்த வாலிபர்களை வீட்டிற்குள் வர கதவை திறந்ததாகவும் தனது கட்சிக்காரருக்கு இதில்  குறைவாக பங்கு மட்டுமே இருப்பதாக வாதிட்டார்.