கோம்பாக்: திருட்டு உட்பட இருபதுக்கும் மேற்பட்ட கிரிமினல் வழக்குகளில் தொடர்புடையவர், கைது செய்யப்படுவதில் இருந்து தப்பிக்க முயன்றபோது சுட்டுக் கொல்லப்பட்டார். புதன்கிழமை (செப்டம்பர் 25) அதிகாலை 3 மணியளவில் வீடு உடைப்பு வழக்கு தொடர்பாக 37 வயதுடைய சந்தேகநபரை கைது செய்ய கோத்தா டாமன்சரா போலீஸ் நிலைய குற்றத்தடுப்பு குழுவைச் சேர்ந்த பொலிஸ் குழுவொன்று முயற்சித்துள்ளது. சந்தேக நபர் அப்போது எம்.பி.வி.யில் இருந்தார்.

ஒரு அதிவேக துரத்தல் தொடர்ந்தது மற்றும் பண்டார் பாரு குண்டாங்கில், ரவாங்கில், சந்தேக நபர் தனது வாகனத்தை பின்னோக்கிச் சென்று, போலீஸ் வாகனத்தை மோத முற்பட்டார். இதனால் அவர் மீது காவல்துறையினர் துப்பாக்கிச் சூடு நடத்தினர். அத்துப்பாக்கி சூட்டினால் எம்பிவி வாகனம் சாலையில் மோதி விபத்துக்குள்ளானதில் சந்தேக நபர் உயிரிழந்துள்ளார்.

சந்தேக நபர் சிலாங்கூர், ஜோகூர் மற்றும் கோலாலம்பூர் ஆகிய இடங்களில் 26 வழக்குகளுடன் தொடர்புடையவர் என்பது தெரிய வந்தது. தோட்டாக்கள் கொண்ட இரண்டு துப்பாக்கிகள், மூன்று கத்திகள், ஒரு கோடாரி, ஒரு கட்டர் உட்பட பல்வேறு ஆயுதங்களையும் போலீசார் கைப்பற்றியுள்ளனர். சந்தேக நபரின் உடல் பிரேத பரிசோதனைக்காக சுங்கை பூலோ மருத்துவமனைக்கு அனுப்பி வைக்கப்பட்டது. இந்தச் சம்பவம் குறித்து சிலாங்கூர் காவல்துறைத் தலைவர்  டத்தோ ஹுசைன் உமர் கான் விரைவில் அறிக்கை வெளியிடுவார் என நம்பப்படுகிறது.