மனைவியுடன் குத்துவிளக்கேற்றிய ஜோபைடைன்!
அமெரிக்க அதிபர் ஜோ பைடன் வெள்ளை மாளிகையில் தீபாவளி பண்டிகையை கொண்டாடினார்.
இந்துக்களின் பண்டிகையான தீபாவளி நாளை மறுநாள் கொண்டாடப்படுகிறது. இந்நிலையில், அமெரிக்க அதிபர் ஜோ பைடன் தனது மனைவியுடன் கலந்து கொண்டு குத்து விளக்கு ஏற்றி தீபாவளி கொண்டாட்டத்தை தொடங்கி வைத்தார்.
இந்த நிகழ்ச்சியில் இந்திய வம்சாவளியினர் உட்பட 600 க்கும் மேற்பட்டோர் கலந்து கொண்டனர். துணை அதிபரும், அதிபர் வேட்பாளருமான கமலா ஹாரிஸ் தேர்தல் பரப்புரையில் ஈடுபட்டுள்ளதால், வெள்ளை மாளிகையில் நடந்த தீபாவளி கொண்டாட்டத்தில் பங்கேற்கவில்லை.
அதேநேரம், விண்வெளியில் தங்கியிருக்கும் நாசா விஞ்ஞானி சுனிதா வில்லியம்ஸ் தீபாவளி பண்டிகையை முன்னிட்டு வாழ்த்து தெரிவித்து வீடியோ வெளியிட்டுள்ளார். இந்த வீடியோ வெள்ளை மாளிகையில் நடந்த தீபாவளி கொண்டாட்டத்தின் போது ஒளிபரப்பப்பட்டது.
