பல ஆண்டுகளுக்குப் பிறகு, மலேசிய முன்னாள் பேட்மின்டன் வீரர் டத்தோ சியா சூன் கிட் மீண்டும் பயிற்சிக்கு திரும்புகிறார். இந்த முறை அவர் ஐரோப்பாவில் குறுகிய கால பயிற்சிப் பணியில் ஈடுபட உள்ளார், ஆனால் நாட்டின் பெயரை அவர் வெளிப்படுத்த மறுத்தார்.
2018ல் மலேசிய பேட்மின்டன் சங்கத்தில் (BAM) கடைசியாக பணியாற்றிய பின்னர், இது அவரது முதல் பயிற்சி முயற்சி. “இது ஒரு நட்பான அழைப்பே; பெரிய அணிக்காக இல்லை, அங்கு உள்ள ஒரு கிளப்புக்காகத்தான்,” என்று அவர் தெரிவித்தார்.
சூன் கிட் மற்றும் டத்தோ ரஷிட் சிடேக் இணைந்து உருவாக்கிய ‘Sentuhan Wira’ திரைப்படம் மலேசியாவின் வரலாற்று சிறப்புமிக்க 1992 தாமஸ் கப் வெற்றியை மையமாகக் கொண்டு உருவாகிறது. இருவரும் திரைக்கதை மற்றும் போட்டியின் தொழில்நுட்ப விவரங்களில் ஆலோசகராக பங்கேற்றுள்ளனர். படம் நவம்பரில் படப்பிடிக்கத் தொடங்கி, அடுத்த ஆண்டு வெளியிடப்படும்.
இந்த ஒப்பந்தம் மலேசிய தேசிய திரைப்பட மேம்பாட்டுக் கழகத்தின் தலைவர் டத்தோ ஹான்ஸ் ஐசக் முன்னிலையில் கையெழுத்திடப்பட்டது.
