கெடாவில் உள்ள ஒரு போலீஸ் அதிகாரி, தான் விசாரித்து வந்த வழக்குகளுடன் தொடர்புடைய பெண்களிடமிருந்து பாலியல் சேவைகளைப் பெற தனது பதவியைப் பயன்படுத்தியதாக சந்தேகத்தின் பேரில் கைது செய்யப்பட்டுள்ளார்.

கோலா மூடா காவல் தலைமையகத்தைச் சேர்ந்த 29 வயதான இன்ஸ்பெக்டர் ஜூலை 3 மற்றும் 4 ஆகிய தேதிகளில் இரண்டு தனித்தனி புகார்களைத் தொடர்ந்து கைது செய்யப்பட்டார். அவற்றில் ஒன்று மலேசிய ஊழல் தடுப்பு ஆணையத்திற்கு (MACC) செய்யப்பட்டது என்று பெரித்தா ஹரியான்  செய்தி வெளியிட்டிருந்தது.

விசாரணையில் உள்ள வழக்குகளுடன் தொடர்புடைய பெண்களிடமிருந்து பாலியல் சேவைகளைப் பெற இன்ஸ்பெக்டர் தனது புலனாய்வு அதிகாரி பதவியைப் பயன்படுத்தியதாகக் கூறப்படுவது முதற்கட்ட விசாரணைகளில் தெரியவந்ததாக கோல மூடா காவல் தலைவர் ஹன்யான் ரம்லான் தெரிவித்தார். விசாரணைக்கு உதவுவதற்காக சந்தேக நபர் நான்கு நாட்கள் காவலில் வைக்கப்பட்டுள்ளார், பின்னர் விசாரணைக்காக MACC-யிடம் ஒப்படைக்கப்படுவார் என்று அவர் கூறினார்.

இந்த வழக்கு தண்டனைச் சட்டத்தின் பிரிவு 376(2)(f) இன் கீழ் விசாரிக்கப்படுகிறது, இது சம்மதத்தைப் பெற அதிகாரத்தை துஷ்பிரயோகம் செய்வது தொடர்பான பாலியல் வன்கொடுமை தொடர்பானது. இந்தப் பிரிவு குற்றம் நிரூபிக்கப்பட்டால் 20 ஆண்டுகள் வரை சிறைத்தண்டனை, சவுக்கடி தண்டனையை வழங்குகிறது.