போலி டத்தோஸ்ரீ பட்டத்தைப் பயன்படுத்தி பேஸ்புக்கில் நடந்த ஒரு மோசடி குறித்து ஷா ஆலமில் பதிவு செய்யப்பட்ட காவல்துறை புகாரை சிலாங்கூர் காவல்துறை வணிகக் குற்றப் புலனாய்வுத் துறை பெற்றுள்ளது.

சிலாங்கூர் காவல்துறைத் தலைவர் ஹுசைன் உமர் கான் நேற்று இரவு ஒரு அறிக்கையில், மோசடி செய்ததற்காக தண்டனைச் சட்டத்தின் பிரிவு 420 இன் கீழும், அங்கீகரிக்கப்படாத விருதுகளைப் பெறுவதற்கும் பயன்படுத்துவதற்கும் விருதுகள் சட்டம் 2017 இன் பிரிவு 3(1) இன் கீழும் காவல்துறை விசாரணை அறிக்கையைத் திறந்துள்ளதாகக் கூறினார்.

ஆரம்பகட்ட விசாரணைகளில், முகநூல் கணக்கின் உரிமையாளர் தன்னை ஒரு டத்தோஸ்ரீ என்று தெளிவாக அழைத்துக் கொண்டார். இந்தப் பட்டம் சிலாங்கூர் சுல்தானால் வழங்கப்பட்டதாகக் கூறினார். பேஸ்புக் கணக்கின் உரிமையாளர் சிலாங்கூர் சுல்தானிடமிருந்து ஒருபோதும் பட்டத்தைப் பெறவில்லை என்பதும், அவர் போலியான டத்தோஸ்ரீ பட்டத்தைப் பயன்படுத்தியதும் உறுதிப்படுத்தப்பட்டுள்ளது என்று அவர் கூறினார்.

பேஸ்புக் பயனரை விசாரணைக்கு ஒத்துழைக்குமாறும், அந்த நபரைப் பற்றிய தகவல் தெரிந்தவர்கள் 03-5520-2222 என்ற எண்ணில் காவல்துறையைத் தொடர்பு கொள்ளுமாறும் ஹுசைன் வலியுறுத்தினார்.

செல்லாத கௌரவம் அல்லது பட்டத்தைப் பயன்படுத்தும் எந்தவொரு நபருக்கும் எதிராக காவல்துறை கடுமையான நடவடிக்கை எடுக்கும் என்று அவர் கூறினார்.

போலி டத்தோஸ்ரீ பட்டத்தைப் பயன்படுத்துவது விருதுகள் சட்டம் 2017 இன் பிரிவு 3(3) இன் கீழ் மூன்று ஆண்டுகள் வரை சிறைத்தண்டனை விதிக்கப்படும் என்று ஹுசைன் கூறினார். தண்டனைச் சட்டத்தின் பிரிவு 420 இன் கீழ் குற்றம் நிரூபிக்கப்பட்டால் ஒரு வருடத்திற்குக் குறையாத  10 ஆண்டுகளுக்கு மிகாமல் சிறைத்தண்டனை விதிக்கப்படும் என்று அவர் கூறினார்.