மலாக்கா: டத்தோஸ்ரீ அன்வார் இப்ராஹிம் செவ்வாய்க்கிழமை (செப்டம்பர் 9) இங்கு நடைபெறும் 19ஆவது ஆசியான் நாடுகடந்த குற்றம் தொடர்பான அமைச்சர்கள் கூட்டத்தின் (AMMTC) தொடக்க விழாவில் தலைமை தாங்க உள்ளார். இது எல்லை தாண்டிய குற்றங்களுக்கு எதிரான பிராந்திய ஒத்துழைப்பை வலுப்படுத்துவதற்கான உயர் மட்ட விவாதங்களின் தொடக்கத்தைக் குறிக்கிறது.

பிரதமர் மாலை 4.30 மணிக்கு தனது தொடக்க உரையை நிகழ்த்துவார் என்று எதிர்பார்க்கப்படுகிறது.அதைத் தொடர்ந்து ஆசியான் பொதுச் செயலாளர் டாக்டர் காவ் கிம் ஹவுர்ன், இந்த ஆண்டு AMMTC இன் தலைவராக இருக்கும் உள்துறை அமைச்சர் டத்தோஸ்ரீ சைஃபுதீன் நசுத்தியோன் இஸ்மாயில் ஆகியோரின் கருத்துக்கள் இடம்பெறும். ஒரு தங்கு விடுதியில் நடைபெறும் இந்தக் கூட்டத்தில், ஆசியான் உறுப்பு நாடுகள், திமோர்-லெஸ்டே, உரையாடல் கூட்டாளிகளான சீனா, ஜப்பான் மற்றும் தென் கொரியாவின் AMMTC தலைவர்கள் மற்றும் பிரதிநிதிகள் கலந்து கொள்வார்கள்.