கோலாலம்பூர்: தைப்பூசத் திருவிழா தேர் ஊர்வலத்தை முன்னிட்டு, பிப்ரவரி 9 ஆம் தேதி (ஞாயிற்றுக்கிழமை) முதல் 20க்கும் மேற்பட்ட சாலைகள் மூடப்படவுள்ளன, மேலும் மாற்றுச் சாலைகளுக்கு வழி மாற்றப்படும்.

கோலாலம்பூர் காவல்துறைத் தலைவர் டத்தோ ருஸ்டி முகமட் இசா, வெள்ளிக்கிழமை வெளியிட்ட அறிக்கையில், ஜாலான் துன் எச்.எஸ் லீயிலிருந்து பத்து மலையில் உள்ள ஸ்ரீ சுப்பிரமணியர் சுவாமி கோயிலுக்கான தேர் ஊர்வலத்திற்காக சாலை மூடல் இரவு 9 மணிக்கு தொடங்குவதாக அறிவித்தார்.

மூடப்படவுள்ள சாலைகளில் ஜாலான் துன் எச்.எஸ். லீ, ஜாலான் சுல்தான், ஜாலான் துன் டான் செங் லாக், ஜாலான் புடு, ஜாலான் துன் பேராக், ஜாலான் லெபோ அம்பாங், ஜாலான் அம்பாங், ஜாலான் முன்ஷி அப்டுல்லா, ஜாலான் டாங் வாங்கி, ஜாலான் ராஜா லாவுட், ஜாலான் பெலியா, ஜாலான் ஸ்ரீ அமர், ஜாலான் சுல்தான் அஸ்லான் ஷாக், ஜாலான் ஷாஹென்ட் மற்றும் ஜாலான் பெர்சாக் லிமா அடங்கும்.

புதன்கிழமை (பிப்ரவரி 12) தேரின் திரும்பும் பொழுது அதே சாலைகள் பிற்பகல் 3 மணிக்கு திறக்கப்படுவதாகவும், பயணிகள் தங்கள் பயணத்தை திட்டமிடுமாறு அவர் அறிவுறுத்தினார். மேலும், சந்தேகம் இருப்பவர்கள் தொடர்புகொள்ள வேண்டிய தொலைபேசி எண்கள்: 03-20719999 (ஜாலான் துன் எச்.எஸ் லீ போக்குவரத்து காவல் நிலையம்) அல்லது 03-20260267/0269.